октомври 3, 2022
Cup of Love
Дали се увери колку малку е потребно за да бидеш причина за нечија насмевка?
Денес волонтерите од Клубот на млади на Црвен крст на Република Северна Македонија – Општинска организација Центар ширеа позитивна енергија и ги мотивираа случајните минувачи да направат мал и едноставен предизвик, даден од страна на волонтерите, со цел да насмеат некого.
Доколку случајните минувачи го направат предизвикот, добиваат купон за бесплатно кафе по избор во кафулето во центарот на Скопје – La Fé Coffee. Оваа активност е во рамки на Неделата на млади на Црвен крст под мотото „Биди причина за нечија насмевка!“.
Следете нѐ за да ги видите сите интересни активности планирани во рамки на Неделата на млади на Црвен крст. 
