Јога за деца со посебни потреби

Започна со имплементација овогодишниот ЛАП за деца со посебни потреби поддржан од Комерцијална банка со реализирање на часови по јога за штитениците од Дневниот центар за деца  со посебни потреби. Опфатени беа 21 деца со посебни потреби. Часовите по јога се одржуваа два пати неделно (Понеделник и Четврток) при што децата беа поделени на две групи за вежбање во зависност од нивните психомоторни способности и карактеристики. Во активностите беа вклучени и 10 волонтери од Општинската организација на Црвен крст Прилеп.

Реализатор на овие јога часови беше Др. Физијатар од Општата болница „Борка Талески“ Прилеп и јога инструктор Благоја Ѓорѓиоски. Јогата како интегративна дисциплина  влијаеше врз подобрување на телесниот и менталниот развој кај децата, со посебен акцент кај оваа целна група. Се корегираше држењето на телото кај децата, се подобри концентрацијата и самодовербата кај истите. Јогата придонесе и кон хармонизација на агресивните импулси со можност да  развијат позитивен став кон животот, кон себе си и кон околината. Вака применетите јога техники овозможуваат канализирање на агресивните импулси, подобрена смиреност и свесност кај оваа целна група.