Недела на борба против рак 1-8 март

Oваа година, под мотото “Раната детекција спасува живот„, Црвен крст на Република Северна Македонија ја одбележува неделата на борба против рак.

Ракот е епидемија на нашето време или како што многу го нарекуваат – болест на цивилизацијата. Секоја година во светот заболуваат над 12 милиони луѓе од некој вид на рак, а 7,6 милиони умираат како последица на болеста. Во Република Северна Македонија, секоја година се откриваат околу 6.000 нови случаи на заболени од рак. Овие бројки се навистина застрашувачки и алармантни.

Експертите од Меѓународната унија за рак и СЗО нагласуваат дека приближно 40% од карциномите можат потенцијално да се спречат и ризикот од развој на ракот може значително да се намали со примена на едноставни превентивни мерки и промена на животните навики.

Некои навики на кои што можеме да влијаеме се:

• Престанок на пушењето
• Зголемување на физичката активност
• Јадење здрава храна
• Избегнување на прекумерна конзумација на алкохол
• Одржување на нормална телесна тежина
• Избегнување на долготрајна изложеност на сонце
• Заштита од инфекции