Обука по Прва помош за студенти од Медицинскиот факултет во соработка со ММСА

Во просториите на Медицинскиот Факултет се одржа работилница за стекнување на вештини со кои студентите од прва и втора година на насоката општа медицина ќе можат во импровизирани услови да пружат прва помош.

Акцентот беше ставен на ,,Bystander” – Прва помош каде што учеа како да обезбедат дишен пат, да пружат реанимација во повеќе услови, да отстранат страно тело при гушење и како да менаџираат пациент со астма.

По теоретскиот дел, имаше практичен дел во кој се обработија шест можни сценарија за реанимација: реанимација во кревет, реанимација на давеник, реанимација на лице со обилно крварење, давање инструкции на друго лице да прави реанимација, реанимација во тесен простор и реанимација по книга.

На работилницата земаа учество 20 студенти од прва и втора година, а предавач беше Димитар Тануровски.