Обуки по Прва помош за наставници од основни училишта на територија на општина Центар

По повод Светскиот ден на Првата помош, Општинска организација Центар во соработка со Општина Центар додели потврди за наставниците од основните училишта кои беа учесници на обуки по Прва помош, кои се реализираа во месец март оваа година. Предавачи беа д-р Билјана Димитриевска и д-р Аленка Шопова Илиеска, а на обуките присуствуваа вкупно 77 наставници. Темите кои ги обработија беа со фокус на укажување на прва помош во рамки на училиштето и начини на постапување при евентуални повреди кај учениците.

Ова училишно полугодие ќе го посветиме на обука на ученици од сите 8 основни училишта на територија на општина Центар, кои ќе добијат основна обука по Прва помош.