Општински натпревар по прва помош 

Црвен крст на Република Северна Македонија – Општинска организација Центар го реализираше Општинскиот натпревар по Прва помош на ден 20.05.2023 година (сабота). На општинскиот натпревар земаа учество вкупно 13 екипи, односно 8 екипи во категорија подмладок (основни училишта) и 5 екипи во категорија младина (средни училишта).

 

Во категорија подмладок, екипите кои ги освоија првите три места, ќе земат учество на Градскиот натпревар по Прва помош во месец јуни, односно екипата од ООУ „Гоце Делчев“ со освоено прво место, екипата од ООУ „11 Октомври“ со освоено второ место и екипата од ООУ „Кочо Рацин“ со освоено трето место.

 

Во категорија младина, екипата од СМУГС „Д-р Панче Караѓозов“, која го освои првото место, ќе се натпреварува на Државниот натпревар по Прва помош, кој ќе се одржи во месец септември.

Второ место во рамки на категоријата младина, исто така, освои екипа од СМУГС „Д-р Панче Караѓозов“, а трето место освои екипата од СУГС „Раде Јовчевски – Корчагин“.

 

Голема благодарност до младинските демонстратори за успешната подготовка на екипите по прва помош кои ќе продолжат со нивна подготовка за градското и државното натпреварување, како и до судиите кои помогнаа натпреварот да се реализира согласно дадените упатства.

Им посакуваме многу среќа и успех на натпреварувачите!