Општински натпревар по прва помош

На 12.05.2012 година во паркот на ООЦК Прилеп се одржа општинскиот натпревар по прва помош во кој зедоа учество 11 екипи на подмладок и 5 екипи од младина. Со голем ентузијазам во одлична натпреварувачка атмосфера екипите го покажуваа стекнатото знаење. Во категоријата на младина победи екипата на гимназијата „Мирче Ацев“, а додека во категоријата на подмладок имаше две победнички екипи и тоа екипата од О.О.У.„Климент Охридски“ и екипата од О.О.У.„Кочо Рацин“. За победничките екипи беа обезбедени симболични награди како и дипломи за освоено место на учесниците.