Со едукација до подобра заштита

Клубот на млади при Општинската организација на Црвен крст Прилеп активно се вклучува во одбележувањето на месец Ноември како месец посветен на превенцијата од зависности. Целната група се младата популација во градот која е ранлива на пороците кои го демнат нашето опшество.

Во планираните активности се и едукациите за превенција од зависности кои се земени во фокусот затоа што преку овие едукации младите дознаваат како да се заштитат од зависностите со тоа што понатаму тие ги шират нивните знаења на врсниците, при што се постигнува доста ефикасна заштита и информирање на оваа целна група. Ваква едукација се реализираше и во просториите на Општинската организација на Црвен крст Прилеп наменета за волонтерите, кои што понатаму ќе ги пренесуваат информациите кои ги добија на оваа интерактивна работилница која изобилуваше со интерактивност. На работилницата присуствуваа 30 волонтери, а истата ја одржа психолог кој има доста богато искуство во областа на зависностите. Општинската организација на Црвен крст Прилеп постојано работи на ова поле и е препознатлив лидер во регионот.